Кіріспе
Қашықтан жұмыс істеу қазіргі заманғы бизнестің негізгі тенденцияларының біріне айналды, әсіресе соңғы жылдардағы жаһандық оқиғалардан кейін икемді жұмыс форматтарының қажеттілігін көрсетті. Алайда, икемділік, жол жүру уақытын үнемдеу және әлемнің кез келген жерінен жұмыс істеу мүмкіндігі сияқты көптеген артықшылықтарымен қатар ақпараттық қауіпсіздікке байланысты тәуекелдер де пайда болды.
Әдетте, ұйымдағы қашықтан жұмыс істеуге басшылық рұқсат етеді және ақпараттық технология бөлімшелері мамандарының арқасында техникалық мүмкіндік беріледі. Бұл ретте, қашықтан жұмыс істеу кезіндегі ақпаратты қорғау жауапкершілігі ақпараттық қауіпсіздік жөніндегі мамандардың мойнына да, тікелей пайдаланушылардың өздеріне де жүктеледі.
Қызметкер кеңседе жұмыс істегенде, ол қауіпсіздікті бақылайтын және қамтамасыз ететін корпоративтік инфрақұрылымның қорғауында болады. Бірақ қашықтан жұмыс істегенде, бұл қорғаныс деңгейі өзгеруі мүмкін, себебі сенімсіз Wi-Fi қосылымдары, зиянды бағдарламалық жасақтамалар немесе жеке электрондық пошта арқылы фишинг сияқты қосымша қауіптер пайда болады. Сонымен қатар, құрылғылардың физикалық қауіпсіздігі тиісті қорғаныс шаралары болмаған жағдайда осалдық танытуы мүмкін. Сондықтан қашықтан жұмыс істеудің негізгі қауіпсіздік принциптерін түсіну әрбір қызметкер үшін және тұтас ұйым үшін де өте маңызды болады.
Ақпараттық қауіпсіздік мәселелерінен бөлек, үй ішінде дұрыс жұмыс орнын құруға аса көңіл бөлу керек, бұл өнімділіктің жоғары деңгейін сақтауға, жайлылықты қамтамасыз етуге, денсаулыққа қауіп-қатерді азайтуға және жұмыс пен жеке уақыттың нақты бөлінуіне ықпал етеді.